@maharashtracity
महाड: महाड शहरानजीक गांधार पाले गाव हद्दीत सोमवारी दोन टेम्पोच्या अपघातात टेम्पो मधील दोन प्रवासी आणि तीन महिला पादचारी असे ५ जण गंभीर जखमी झाले.
गोवा ते मुंबई जाणारा आयशर टेम्पो क्रमांक जीए ०३/ एएच – २००३ हा मुंबई ते सिंधुदुर्ग जाणारा टेम्पो क्रमांक एमएच ०७ / एजे -३४६८ याला घासत त्याच गावातील शेतीच्या कामासाठी रस्त्याच्या बाजूने जाणाऱ्या तीन महिला सुमन वसंत जाधव, आशा अशोक शिगवण, वनिता सदानंद गायकवाड सर्व राहणार गांधार पाले यांना उडवत गेला.
![](https://www.maharashtra.city/wp-content/uploads/2022/05/WhatsApp-Image-2022-05-02-at-5.40.32-PM-498x1024.jpeg)
या अपघातात या तीन महिला गंभीर जखमी झाल्या. त्याचबरोबर टेम्पो चालक अंकुश सरोज आणि एक ९ वर्षाचा मुलगा अभिमन्यू सरोज राहणार उत्तर प्रदेश (Uttar Pradesh) हे देखील जखमी झाले. या अपघातात एकूण ५ जण जखमी झाले. सर्व जखमींवर महाड ग्रामीण रुग्णालयात उपचार करण्यात आले. गंभीर जखमी दोन महिलांना पुढील उपचारासाठी मुंबई येथे हलवण्यात आले.